Browsing Category

National

RED-TAGGED CITY HEALTH OFFICER, HUSBAND GUNNED DOWN IN NEGROS ORIENTAL

ILOILO City – Guihulngan City top health officer Dr. Mary Rose Sancelan and husband Edwin Sancelan, also a government employee, were shot dead around 5:20 this afternoon by a riding-in-tandem near their residence at Carmen Ville Subdivision, Brgy. Poblacion, Guihulngan City. Dr. Sancelan served as an incident commander of Guihulngan’s Inter-Agency Task Force on the Management of Emerging Infectious Disease (IATF-MEID).

According to human rights group Karapatan Negros Island, Dr. Sancelan was named number one in the so called “hitlist” of Kawsa Guihulnganon Batok Komunista (KAGUBAK), an anti-communist vigilante group in Negros Oriental in 2017.

Dr. Sancelan was tagged as JB Regalado, the spokesperson of Leonardo Panaligan Command of NPA-Central Negros.

Karapatan condemned the killing and believed that this is part of the liquidation operation of the NTF- ELCAC.

The “hitlist” also included Public Attorney’s Office lawyer Atty. Anthony Trinidad who was killed on July 2019 and activist Haide Malalay Flores who was killed on August 2018./www.panaytoday.net

 

(Photo from from Dr. Sancelan Facebook account)

72ND INTERNATIONAL HUMAN RIGHTS DAY PROTESTS, SUCCESSFUL AMID THREATS, INTIMIDATION, AND ARRESTS!

ILOILO CITY – On the very day of International Human Rights Day, Duterte demonstrated his fascist nature and committed human rights violations in the form of syndicated raids, planting of evidence and filing of trumped up charges against union organizers and a member of the media.

According to Karapatan Secretary General Cristina Palabay, Duterte haphazardly scandalized the International Human Rights Day following the arrest of the seven activists.

Palabay added that the main objective of such raids and baseless arrests by Duterte would be to silence the people from voicing out and the media from exposing its corrupt administration.

Despite the crackdowns, thousands of people marched towards Mendiola calling for the ouster of Duterte. They condemned the Duterte administration’s crackdown against its critics.

In Panay, different organizations and sectors have successfully gathered in the city of Iloilo and Roxas, as well as in the town of Kalibo, to commemorate the International Human Rights Day.

In Iloilo City, progressive groups gathered inside the University of the Philippines Visayas despite the deprivation of the city government to give a permit, series of intimidation, and the efforts of the police forces to stop the said activity.

The persistence of the people to conduct such protests, in various parts of the country, only shows Duterte’s isolation from the interests of the wider population.

According to those who participated in the protests, hunger, landlessness, low price of palay, unemployment, and the expensive prices of basic commodities, pushed them to join the protests despite the threats of the government.

For Bayan Panay, Duterte should be ousted because of his useless response to the crisis while being busy with spreading violence to silence the people and to cover up his inutile response.

In order to do this, the conveners of the Panay Peoples’ Coalition called for the people to unite to end Duterte’s tyrannical rule./PT

MAMAMAHAYAG, GINPATAY SA PANGASINAN

SYUDAD SANG ILOILO – Isa naman ka mamamahayag ang ginpatay sang wala pa makilal-an nga mga suspetsado sadtong Nobyember 10, alas 6:30 sang aga sa Villasis, Pangasinan. Ang biktima ang ginkilala kay Virgilio ‘Vir’ Maganes, isa ka mamamahayag kag nagasulat sa lokal nga pahayagan nga Northern Watch kag komentarista sa lokal nga radio station nga DWPR. Ang biktima ang gintiro samtang nagapasulod sa ila balay sa Sitio Licsab, Villasis, Pangasinan.

Si Maganes ang nag-angkon sang pilas sa ulo kag pila pa sa iya kalawasan nga nagresulta sang gilayon sini nga kamatayon. Narecover man sa crime scene ang 6 ka empty shells sang caliber 45 pistol.

Suno sa National Union of Journalist in the Philippines ukon NUJP, ini ang ikaduha na nga tion nga gin atake si Maganes. Sadtong Nobyembre 8, 2016, nakaluwas si Maganes sa pagpangluthang sang riding-in-tandem samtang nagapakadto ini sa iya trabaho sa Dagupan City.

Si Maganes ang ika-18 ka mamamahayag nga ginpatay sa idalum ni Duterte kag ika-190 humalin sadtong 1986. Ini ang miyembro man sang NUJP.

Sadtong 2018, ginkabig sang International Federation of Journalist nga pinakadelikado nga pungsod sa Southeast Asia para sa mga journalist ang pungsod Pilipinas.

Si Maganes ang nangin komentarista sa mga blocked-time programs sa nagkalain-lain nga lokal nga radio stations nga nakapokus sa isyu pulitika. Dugang sang grupo nga wala nahatagan sang resolusyon ang kaso ni Maganes sadtong 2016.

Ang pagpatay kay Maganes ang natabo semana matapos ginkomemorar ang International Day to End Impunity for Crime Against Journalist sadtong Nobyembre 2. Suno sa NUJP ang pagpatay kay Maganes ang pamatuod sang walay unod nga pabugal sang gubyerno nga buhi ang press freedom sa pungsod.

Nagapati naman ang College Editors Guild of the Philipines nga ang pagpatay kay Maganes ang parte sang kampanya sang administrasyong Duterte batuk sa mga kritiko sini. Suno pa sa grupo, bag-o oa man ang krisis sa ekonomiya kag ikaayong lawas nga dala sang Covid-19 pandemic, madasig ang administrasyon sa pagratsada sa tikang kontra-insurhensiya kag paglagas sa mga ginakabig sini nga kritiko imbes nga sabton ang gilayon nga kinahanglan sang pumuluyo.

Nagpanawagan naman ang nagkalain nga grupo kag organisasyo sang gilayon nga hustisya para kay Maganes kag sa tanan nga mamamahayag nga biktima sang pagpamatay kag para sa matuod-tuod nga kahilwayan kag freedom of the press and expression sa pungsod./PT

MAKABAYAN BLOC, WALA GINTAMBONGAN ANG SENATE HEARING ANGOT SA REDTAGGING

SYUDAD SANG ILOILO – Wala magtambong ang Makabayan Bloc sa senate hearing nga ginpatigayon ang senate committee on National Defense and Security nga ginapamunoan ni Sen. Ping Lacson angot sa mainit nga isyu sang redtagging ni Gen. Antonio Parlade sa mga aktibista, kritiko kag mga artista.

Sa ginpadala nga sulat sang Makabayan Bloc kay Senador Lacson, ila ginpangabay nga indi kuntani magpagamit ang senado agud makapangredtag pa gid ang militar sa mga progresibo nga organisasyon bangod ginabutang sini sa katalagman ang kabuhi sang mga lider kag miembro.

Nagapati ang Makabayan Bloc kaangay lang ini sang nagligad tuig nga senate hearing sa diin gin-alegar nang-kidnap sanday Atty. Neri Colmenares, Congresswoman Sarah Elago kag pila pa ka mga progresibo nga indibidwal sang mga menor de edad. Gindismiss sang Department of Justice ang kaso nga kidnapping sa mga nahinambitan nga lider sang progresibo nga grupo bangud wala may nakita nga ebidensya nga nagapamatuod nga konektado ang mga ini sa CPP-NPA-NDF.

Para kay Kabataan Partylist Rep. Sarah Elago, gingamit lang nila liwat ang senado agud magpatuhaw sang mga peke nga surrenderees agud liwaton lang ang mga kabutigan sang NTF-ELCAC kag militar.

Dugang ni Rep. Elago, mas may kabilinggan kon ang gintalakay nga isyu sang senado may kaangtanan sa pandemya, krisis sa ekonomiya kag ang kahalitan sang Bagyong Rolly.

Isa sa rason kon ngaa wala nagtambong sa senate hearing ang Makabayan bloc bangud ginpalabi nila ang mga donation kag relief efforts para sa mga biktima sang bagyo.

Nagpanawagan ang Makabayan Bloc nga untaton na ang redtagging bangud ginagamit lang ini sang militar kag NTF-ELCAC agud mahatagan basehan ang ila pagpang-atake sa hanay sang mga progresibo. Ginhangkat man sang Makabayan Bloc ang administrasyon nga magtutok sa mas dalagkuan nga isyu nga gina-atubang sang atong pungsod./PT

Bagyong Rolly Nagbilin sang Daku nga Kahalitan! #NasaanAngPangulo Nagtrending sa Social Media

SYUDAD SANG ILOILO – Daku nga kahalitan sa imprastruktura kag agrikultura ang ginbilin sang Bagyong Rolly sang ini ang naglaslas sadtong Nobyembre 1 sa pungsod. Ginakabig nga ara sa super typhoon category nga may kabaskugon sang hangin nga 225 kilometro per ora kag pagmadlos nga naglab-ot sa 310 kilometro per ora, ang bagyong Rolly ang ginakabig nga pinakamabaskog nga bagyo nga nag-agi sa pungsod subong nga 2020.

Nagbilin si Bagyong Rolly sang kabilugan nga 22 ka patay, 19 diri ang narekord sa Bicol Region kung sa diin pinakamalala ang epekto sang bagyo suno sa National Disaster Risk Reduction and Management Council ukon NDRRMC sa ulihi sini nga tally sadtong Nobyembre 6. Dugang sag NDRRMC, nagbilin pa gid sang P11 bilyones nga kahalitan ang bagyo kung sa diin P8.4 bilyones sini ang halit sa imprastruktura kag P2.9 bilyones naman sa sektor sang agrikultura. Dugang diri apektado man sang bagyong Rolly ang may kabilugan nga 230,834 ka pamilya ukon 906,146 ka indibidwal sa 3,586 ka barangay. May ara naman 44,033 ka pamalay ang nagkalaguba sa Bicol Region, MIMAROPA kag Cordillera Administrative Region.

Nagtrending naman sa social media ang #NasaanAngPangulo matapos wala kitaa si Presidente Duterte sa labing una nga high-level public briefing angut kay Bagyong Rolly nga ginhiwat man mismo 5 ka oras matapos nga una nga naglandfall ang bagyo sa Bato, Catanduanes. Suno sa kay Sen. Bong Go, nagamonitor ang presidente sang bagyo sa iya hometown nga Davao City. Gintuhay sang mga netizens si Duterte sa kay anay Presidente Noynoy Aquino – nga bisan napuno sang kritisismo bangud sa palpak nga pagsabat sa epekto sang Bagyong Yolanda – ini ang naghatag sang briefing sa pumuluyo paagi sa televised speech gab-i antes mag-abot ang bagyong Yolanda.

Sa pihak nga bahin, ginpakamalaut naman sang Kilusang Magbubukid ng Pilipinas ang natabo nga senate hearing angut sa red-tagging sa pihak sang kalamidad nga ginaatubang sang pungsod. Suno sa grupo, tama ka insensitibo nanday Sen. Ping Lacson kag sang Senate Committee on National Defense nga iduso ang hearing angut sa red-tagging ni Gen. Parlade sa grupo nga Gabriela, pila ka artista kapareho nanday Angel Locsin, Liza Soberano kag Catriona Gray, kag mga progresibo nga partylist groups sa pihak nga nagaatubang ang pungsod, ilabi na ang mga Bicolano, sa malala nga epekto ni Bagyong Rolly. Dugang sang grupo nga uyang lamang ini sang kwarta sang pumuluyo.

Suno naman kay Bayan Muna Representative Carlos Zarate, mas gustuhon pa sini nga magkadto sa mga relief missions kag konsultasyon sang mga pumuluyo nga apektado sang bagyo kaysa magtambong sa nasambit nga kabutigan nga palagwaon.

Nagpanawagan naman si Zarate nga imbes nga pondohan ang red-tagging kag pagpalapta sang fake news sang NTF-ELCAC, mas maayo nga ihatag na lamang ang P19.1 bilyones nga pondo sini sa 2021 para sa mga biktima sang nagliligad nga bagyong Quinta kag Rolly. Dugang ni Zarate nga ang Php 19.1 bilyones nga ginapangayo sang NTF-ELCAC ang makasarang na makahuman sang indi manubo 38.2 milyones ka food packs para sa 2 ka milyon ka pumuluyo nga apektado sang kalamidad./PT

IMPLEMENTING RULES AND REGULATIONS SANG ANTI-TERROR LAW, GIN-APRUBAHAN NA!

SYUDAD SANG ILOILO – Ginkumpirma ni Justice Secretary Menardo Guevarra nga gin-aprubahan na sang Anti-Terrorism Council ang Implementing Rules and Regulations sang kontrobersyal nga Anti-Terror Law sang nagligad nga Oktubre 13.

Apesar sang mabaskug nga pagpamatuk kag panawagan nga indi pag-ipatuman ang ini nga kasuguan ginduso sang techinal working group nga ginapangunahan sang DOJ ang pagdihon sang IRR sining nasambit nga layi.

Bangud sini, ginhangyo sang National Union of People’s Lawyers ang Korte Suprema nga gilayon nga aktuhan ang mga petisyon batuk sa Anti-Terror Law.

Suno kay Atty. Edre Olalia sang NUPL, dapat desaysibo nga aktuhan gilayon sang Korte ila nga petisyon sang Status Quo Ante Order.

Sa subong may yara sang kapin 37 ka mga petitioners batuk sa Anti-Terror Law kag ini tanan nagahangyo sang Temporary Restraining Order kag Status Quo Ante Order ukon temporaryo nga pagsuspende sang implementasyon sang layi samtang wala pa matapos ang oral arguments bahin sa constitutionality sang nasambit nga layi.

Para naman sa Bagong Alyansang Makabayan – Panay, ang pagratsada sang pagpatuman sang layi tubtob sa pagdihon sang IRR sini ang nagapakita lamang sang lantaran nga pagbalewala sang gobyerno sa mga panawagan sang pumuluyo.

Suno kay Bryan Bosque sang BAYAN-Panay, nangin bulag, bungol kag inutil na ang mga institusyon sang hudikatura sa pungsod bangud wala sini ginpamatian kag gin-aktuhan gilayon ang mga panawagan nga i-deklara nga unconstitutional kag ginakabig pinaka-consitutionally challenged nga layi bangud sa madamo sini nga probisyon nga nagalapas sang tawhanon nga kinamatarung.

Nagakahangawa naman ang organisasyon sang mga pamilya sang biktima sang enforced disappearances nga mas madamo pa gid mabiktima sang abduction sa pagpatuman sang Anti-Terror Law.

Suno kay Erlinda Cadapan, Chairperson sang Desaparicidos kag iloy sang gin-abduct nga si Sherlyn Cadapan, ginakulbaan niya nga gamiton sang gobyerno ang ATL agud nga magpang-abduct para magpalapnag sang kakugmat sa iya nga mga kritiko ilabi pa subong nga indi maayo ang pagdumala sini sang pandemya kag krisis.

Dugang niya ang paghunong sang 24 ka adlaw nga wala sang kaso ang nagabukas sang posibilidad sang enforced disappearance bangud mas mahapos na ini himuon sangsa magcomply sang mga legal nga rekisitos./PT

KALBARYO NI REINA MAE NASINO SA KAMOT SANG KAPULISAN, MABASKOG NGA GINKUNDENA! HUSTISYA PARA KAY BABY RIVER, PADAYON NGA PANAWAGAN

SYUDAD SANG ILOILO – Mabaskog nga ginkundena sang KAPATID, organisasyon sang mga pamilya, abyan kag taga suporta sang mga political prisoners, kag mga organisasyon sang pumuluyo, ang mapintas kag indi-tawhanon nga pagtrato sang Philippine National Police (PNP) kag Bureau of Jail Management and Penology (BJMP) kay Reina Mae Nasino kag sa napatay sini nga 3 ka bulan nga lapsag nga si Baby River.

Isa ka human rights activist si Reina Mae ukon “Ina”. Ilegal siya nga gin aresto upod ang duha niya ka kaupdanan sang Nobyembre 5, 2019 bangod sa patu-pato nga kaso nga illegal possession of firearms nga suno sa mga abogado sang akusado, klaro nga gintanom sang mga awtoridad.

Yara na sa presohan si Ina sang iya na diskubrehan nga nagabusong siya. Ginbun-ag niya ang iya bata nga si Baby River sang Hulyo 2020, apang pilit nga ginseparar si Baby River sa iya iloy sang Agosto apisar sang pag-apelar ni Ina kag mga abogado sini nga hatagan kahigayunan si Ina nga hatagan pagtamod ang iya lapsag. Matapos ang pila ka bes nga pagbalik-balik sa ospital, ginbawian sang kabuhi si Baby River bangod sang pneumonia.

Suno sa grupo, naglawig pa kuntani ang kabuhi sang lapsag kun ginhatagan lang sang korte sang gamay nga konsiderasyon ang mag-iloy. Apang natuon sa mga bungol nga dulunggan kag wala tagipusuon ang ila mga pag-apelar. Hulyo pa lang, nag-apelar na si Nacino kay Chief Justice Diosdado Peralta agud mapabilin sa iya paghinakop si Baby River para mapasiguro ang ikaayong-lawas sini. Apang matapos ang 4 ka bulan, nagpagwa sang decision ang korte sa diin ginabaisan pa nila kon ano ang ubrahon tubtob nga napatay na lang si Baby River.

Dugang pa sang grupo, wala gid sang kaluoy ang administrasyon bangod ginhimo nalang nga anom ka oras (3 ka oras kada adlaw) ang furlough nga gin-grant kay Nasino. Nauna na nga ginhatagan sang tatlo ka adlaw nga furlough si Ina para makaupod ang iya bata sa ulihi nga tinion apang ginpamatukan ini sang Manila City Jail (MCJ) bangod sa kakulang sang tawo.

Napuno naman sang tension ang una nga adlaw nga pagbisita ni Ina kay Baby River. Nag-abot si Nasino sa La Funeraria upod ang 47 ka BJMP kag PNP personnel. Dugang pa ang pagbalibad sang mga gwardya nga hukson ang posas ni Ina agod iya mahakos ang iya bata. Makapila man ka bes nga naghana ang mga pulis nga dal-on si Ina balik sa presohan bisan wala pa matapos ang 3 ka oras nga ginmando sang korte.

Kagapon, Oktubre 16, gindala sa iya ulihi nga palahuwayan si Baby River apang ang matawhay kun tani nga okasyon, nagresulta naman sa ginamo bangod gin-intrahan sang kapulisan ang ginplano sang pamilya nga programa. Dugang pa, ginpalagyo sang PNP ang lawas sang lapsag padulong sa Manila North Cemetery rason kun ngaa na-eskandalo ang prosesyon.

Suno sa National Union of People’s Lawyers, tama ka layo ang pagtratar sang gobyerno sa mga kubos kaangay ni Reina Mae kun i-kumpara sa red carpet nga ginalatag nila para sa mga kawatan sang kaban sang pungsod kaangay ni Bong Revilla kag Imelda Marcos, kag mamamatay tawo nga si Ampatuan.

Dugang pa sang grupo, indi sila mag-untat asta nga mapamatud-an nga inosente si Ina kag mapalaya ini upod ang iban pa nga mga political prisoners bangod paagi diri, mahatagan sang hustisya ang kamatayon ni Baby River.

Sa katapusan, naghatag sang iya ulihi nga mensahe si Ina para kay Baby River. Suno kay Ina, maabot ang adlaw nga makalaya siya kag iban pa nga political prisoners kag iya siguraduhon nga mas magabakod ang iya panindugan. Dugang ni Ina, temporaryo lang ang kasubo bangod magabangon siya sa bulig sang malapad nga kubay sang pumuluyo nga naga suporta sa iya./PT

UNDERSECRETARY NGA MASUPOG MANG-REDTAG, GINAPAKAKAS SA PWESTO SANG MINORITY BLOC

SYUDAD SANG ILOILO – Ginapakakas sa pwesto sang mga mamalidha sa House Minority nga bloke sang Kongreso si PCOO Undersecretary Lorraine Badoy bangud sa mga malisyoso sini nga pag-redtag kag pagpakalain sa mga kongresista sang Makabayan bloc.

Sa manifesto nga ginbasa ni Minority Leader Bienvenido Abante nga ginpirmahan sang 18 tanan ka mga mamalidha, ang PCOO paagi kay Badoy ang nagagamit sang pondo sang pumuluyo para magpalapnag sang fake news kag dis-impormasyon, kag pagpang-atake sa mga kritiko kag oposisyon sa katuyuan nga tapnaon ang ila disgusto sa gobyerno.

Kabahin sa mga fake news kag dis-impormasyon suno kay Rep. Abante nga ginapalapnag ni Badoy sa nagkalain-lain nga media amo ang sala nga akusasyon nga terorista ang mga miyembro sang Makabayan bloc nga mga miembro man sang House Minority nga bloke.

Dugang sang mamalidha nga ang mga aksyon ni Badoy wala nagatib-ong sang pinamatasan sang isa ka Pilipino kag hayagan nga indi pagrespeto sa mga gin-eleher nga opisyal sang pumuluyo.

Sa sini nga rason, gindemanda sang mga mamalidha nga dapat i-take down ukon kakson sang PCOO kag mga opisyales sini ang tanan nga post nga nagapakalain kag wala nagatahud sa Makabayan bloc. Dapat man suno sa ila nga magpagwa sang public apology si Badoy kag kakson na ini sa iya posisyon.

Ang aksyon ni Badoy dugang sang House Minority wala lang nagabutang sa katalagman sang seguridad sang miembro sang Makabayan Bloc kundi mismo ang ila kabuhi bilang nagapungko nga katapo sang Kongreso.

Si Badoy ang napilian nga spokesperson sang National Task Force to End Local Communist Armed Conflict ukon NTF-ELCAC nga masupog mag-redtag kag magpakalain sa mga katapo sang progresibo nga grupo kag mga aktibista.

Ginapanawagan subong sang mga aktibista ang pagbungkag sang NTF-ELCAC kag sayluhon ang P19 bilyones nga badyet sini para sa ikaayong-lawas sang pumuluyo./PT

MGA MAMALIDHA, GINAPA-AUDIT ANG PONDO SANG NTF-ELCAC

SYUDAD SANG ILOILO – Ginaduso subong ni Senate Minority Leader Franklin Drilon nga bantayan sang hugot sang Commission on Audit ang paggasto sang pondo sang National Task Force to End Local Communist Armed Conflict.

Ini matapos nga ginbukas ni COA Chairman Michael Aguinaldo ang posibilidad sang pagtukod nila sang espesyal nga team sa pag-audit sang pondo sang NTF-ELCAC bilang sabat sa request sang pila ka mga kongresista.

Matandaan nga sang Agosto ginsulatan ni Bayan Muna Representative Carlos Zarate si Chairman Aguinaldo nga bantayan ang multi-bilyon nga pondo sang NTF-ELCAC bangud kwestiyonable ang legalidad sini.

Sa pahayag ni Drilon, iya ginasuportahan ang special audit sang pondo sa NTF-ELCAC ilabi sa subong nga panahon nga madamo sang isyu sang korapsyon ang nagakahublasan.

Dugang pa niya nga dapat banatayan ang bag-o nga programa sang NTF-ELCAC nga baranggay development program ilabi pa nga dako ang posiblidad nga sudlan ini sang politika kag gamiton para sa 2022 presidential elections.

Sa P19 bilyon nga pondo sang NTF-ELCAC para sa 2021, P16 bilyon sini ang ila gintalana para sa barangay development project.

Apang suno sa Makabayan Bloc, kwestyonable ang ini nga pondo kag dapat kakason bangud isa ini ka pork barrel.

Ginapawagan sang Makabayan ang pagrechannel sang sini nga pondo bangud nga indi ini itemized ukon wala natalana ang espisipiko nga pagagastuhan sini kag nagapabilin nga ang may kontrol kung paano ini gastuhan ang nakasandig lamang sa pipila ka tao kaangay sang presidente kag sang mga opisyal sang militar kag NTF-ELCAC.

Gilayon man nga ginpanginwala ni DILG Secretary Eduardo Ano nga isa ini ka pork barrel kag ginhambal nga pagagamiton ini sa paghatag sang serbisyo sa mga baranggay nga ila ginakabig mabaskug ang impluswensiya sang insurhensya.

Apang suno kay Kabataan Partylist Representative Sarah Elago, gin-ako ni Sec. Ano nga sa proseso pa lang ang pag-itemize sang pagagastuhan sang ini nga pondo gani makabig ini sa gihapon nga unitemized sa subong.

Dugang pa niya nga indi matuod nga gamiton ang ini nga pondo para sa paghatag sang mga serbisyo sa mga kabaranggayan bangud nga ang tuyo sang NTF-ELCAC kag DILG amo ang magahatag sang reward sa ila ideklara nga insurgenct-free barangays sa diin mahimo ini nga gatasan sang pondo ilabi sa subong nga madamo ang kaso sang peke nga pagpasurender agud pagwaon nga madinalag-on ang kampanya sang gobyerno kontra insurhensya./PT

MGA UHAW SA PODER KAG BAGINA SA KONGRESO, NAGAKABUYAGYAG

SYUDAD SANG ILOILO – Nagaginamo subong ang kongreso kon magapabilin si Rep. Alan Peter Cayetano nga house speaker ukon buslan na siya dapat ni Marinduque Rep. Lord Allan Velasco sigun sa ila kasugtanan nga magtungaay sa house speakership. Sang nagligad nga inadlaw, mismo si Presidente Duterte ang nagmiting sa duha agud masunod ang nauna nga kasugot kag magapungko nga bag-o nga house speaker si Velasco.

Kung madumduman, may ara sang term sharing agreement si Cayetano kag Velasco sa diin mapungko nga house speaker si Cayetano sa sulod sang 15 ka bulan kag si Velasco naman ang mabulos sa nabilin nga 21 ka bulan umpisa sa Oktubre 14.

Apang sang Setyembre 30, mabaskog nga ginpahayag ni Cayetano nga indi magdaog si Velasco bilang House Speaker bangod wala ini suporta sang mayorya sang kongreso.

Ginpahayag man ni Cayetano nga gusto kuntani ni Presidente Duterte nga ipostpone sa Disyembre ang pag turn over sang posisyon agud ma prioritisa ang deliberasyon sa 2021 budget apang wala kuno nagpasugot si Velasco.

Sang nagpahayag naman si Cayetano nga magresign bilang house speaker, nagboto kontra diri ang mga kongresista bangud nagapati sila nga indi maayo ang mag-ilis sang speakership sa tunga sang deliberasyon sang 2021 budget kag sa tunga sang pandemya.

Apang para kay Bayan Muna Representative Carlos Zarate, ang pag-agaway ni Cayetano kag Velasco sa posisyon sang house speaker ang nagapakita sang pag-agaway man sang resorsa sa 2021 budget. Matandaan nga pila sa mga kongresista ang nagreklamo sang dako nga pondo nga maula sa distrito ni Cayetano.

Ang pagbanggianay nanday Cayetano kag Velasco suno kay Zarate ang nagapakita sa kung ano ang mangin itsura sang 2022 elections kag ini amo ang pag-agaway sang mga nagahari nga partido nga sa ulihi, ang dako nga ma apektohan amo ang mga ordinaryo nga Pilipino.

Para naman sa Bayan Panay, ang pagpanghilabot ni Duterte sa house speakership pagpakita nga indi independiente ang Kongreso nga maka-apekto sa check and balance sang pangginobyerno sa diin impluwensyado sang presidente ukon manok gid mismo sang presidente ang ibutang nga house speaker.

Delikado ini suno sa Bayan kag napamatud-an na nga kon ano man nga laye ang gusto ni Duterte, nagayapa-yapa gilayon ang KOngreso nga ipasar ini kaangay sa natabo sa TRAIN Law, Rice Liberalization Law kag Anti-Terrorism Law apesar sang mabaskog nga pagpamatuk sang pumuluyo.

Ginapanawagan sang Bayan Panay sa pumuluyo nga dapat bantayan ang ini nga pag-ilinaway kag dapat kundenaron sang pumuluyo ang nagaserbi-sa-ila-kaugalingon nga akto sang Kongreso kag wala nagahatag sang igtalupangod sa pagbakho sang pumuluyo./PT