By SYUDAD SANG ILOILO – Gin-ako mismo ni Ombudsman Conchita Carpio Morales nga padayon nagaluntad ang korapsyon sa idalom sang administrasyong Aquino.
Sang nagligad tuig, masobra isa ka libo nga reklamo ang nabaton sang opisina tuhoy sa pagpangawat, korapsyon, kag iban pa nga bayolasyon administratibo batok sa mga lokal nga opisyal.
Pila sa mga naga-atubang sang imbestigasyon sa ombudsman mga katapo sang militar, kapulisan, mga manunudlo, kag halin sa mga departamento sang gobyerno.
Sa pinakaulihi nga 2015 International Corruption’s Perceptions Index, nagtaas sang 10 ka panalgan halin sa 85 pakadto sa 95 ang rangko sang Pilipinas nga repleksyon sang dugang nga pagkakorap sang gobyerno.
Ang maayo nga pangginobyerno ang yabe sa pagtapna sang korapsyon suno kay Morales kag ginganyatang mga botante nga indi pagbotohon ang mga pulitiko nga kwestiyonbale ang integridad./DK
