By SYUDAD SANG ILOILO – Masobra 400 ka mga propesor sang Ateneo de Manila University ang nagpahayag sang ila oposisyon sa ginapadayaw ni Bongbong Marcos nga kaayuhan sang martial law sang panahon sang iya amay.
Ginapakamalaot sang mga propesor ang indi pagkilala ni Bongbong sa mga ginbuhat nga krimen sang iya amay para makapadayon sa poder paagi sa pagpabor sa iya mga pamilya, malapit nga kaabyanan kag mga kroni.
Ginpanawagan man sang mga propesor sang Ateneo nga ipadayon ang pagpangita kag pagkuha sang kinawatan nga manggad sang mga Marcos, kag paghatag hustisya kag kompensasyon sa mga biktima sang Martial law.
Sang damlag lang gintukod man ang alyansa kontra sa pagbalik sang mga Marcos sa Malacanang ukon CARMMA./DK
