Paggamit sang CCT ni Mar Roxas para sa iya kampanya ginkundena bilang porma sang pagpamakal boto

SYUDAD SANG ILOILO – Ginpakamalaot sang grupo sang pamatan-on nga Anakbayan ang lihok sang Liberal Party nga paggamit sang 4Ps ukon conditional cash transfer para makakuha sang boto para kay Mar Roxas.

Suno sa grupo, sa pila ka mga kampanya kag miting sa mga benipisyaryo sang 4Ps, ginagamit sang Liberal Party kag ni DSWD secretary Dinky Soliman ang salakyan, kag pondo sang gobyerno, para sa itib-ong ang kandidatura ni Roxas.

Ginakonsiderar sang Anakbayan kag pila ka grupo ang pagpasaka sang kaso batok kay Soliman sa pagbayolar Omnibus Election Code kag ang pagpadiskwalipika sa mga kandidato sang Liberal Party nga nagagamit sang pondo sa gobyerno sa pagpangampanya kabahin si Mar Roxas.

Sa Panay, pila ka pumuluyo nga gabaton 4Ps ang nagreport man nga sa mga miting ginahambal sang local nga panguluhan kag MSWDO nga indi madayon ang 4Ps kung indi si Roxas ang magdaog./DK