By SYUDAD sang Iloilo – Wala nakibot ang hanay sang mga progresibo sa pag-reject sang Commission on Appointments kay Rafael Ka Paeng Mariano bilang secretaryo sang Department of Agrarian Reform ukon DAR.
Sa pahayag sang Bagong Alyansang Makabayan ukon Bayan, kaangay sang natabo man nga pagreject kay anay-DSWD Sec Judy Taguiwalo, nagdampig si Duterte sa mga agalon mayduta, oligarkiya, kag mga pasista nga heneral.
Sa bahin naman sang Kilusang Magbubukid ng Pilipinas ukon KMP, ginkundena sini ang endorsement ni Davao City Mayor Sara Duterte-Carpio nga kuno imbulbado si Ka Paeng sang pagpagsunog sang NPA sa mga pasilidad sang Lapanday Foods Corporation sa diin abugado ang bana sini nga si Atty. Maneses Carpio.
Ang endorsement ginpirmahan man sang mga militarista sa gabinete ni Duterte nga sanday defense Secretary Delfin Lorenzana kag AFP Chief of Staff Eduardo Ano.
Sa adlaw sang confirmation hearing ni Ka Paeng, nagmartsa sa dalanon ang mga kaangay sini nga mangunguma agud magpakita sang ila suporta. (Dampig Katarungan)
