By Nagsulat siya kag nagtugon
Kon siya indi na makita
Indi na siya pagpangitaon
May nagainakop sa iya.Di na kinahanglan ipamangkot pa
Kon diin na gid siya bangud
Ang mga handum niya padayon
Nagapanglambo kag nagapamulak
Bisan wala kag malayo siya.Kon mabalitaan ko
Nga binawian siya sang kabuhi
Indi kuno ako magluha bangud
May nagapabuskad sang mga orkidyas
Bisan sa pinakamainit nga panahon.Indi ko na pagpangitaon pa
Kon diin ang iya lulubngan bangud
Buhi siya sa mga ginahandum ko
Sa mga ambahanon nga mabatian ko,
Sa mga harakhak sang mga kabataan
Nga ginahatagan niya sang buasdamlag!
Bisan pa man ginapasidunggan ko siya.— Maya Daniel
* a martyred comrade’s will on remembering him and other martyrs this November 1
